Concello de Verín

O Concello de Verín inicia ás obras de acondicionamento das catro grandes zonas de aparcamentos disuasorios e gratuítos que proporcionarán a veciños e visitantes preto de 1.000 prazas de aparcamento, contribuíndo a alixeirar de tráfico rodado as rúas e, nembargantes, facilitando o acceso ó comercio local, ós servizos sociosanitarios e as actividades culturais e de ocio dentro do núcleo urbano.

A Praza da Mercé acollerá o vindeiro domingo 15 de maio a primeira edición da Feira Solidaria, organizada polo Concello de Verín. Esta iniciativa, que pretende poñer en valor o labor das asociacións sen ánimo de lucro participantes, contará cun total de 15 entidades, que ofrecerán todo tipo de produtos e/ou servizos con fins solidarios.

Consulta o programa do evento:

O equipo  ED Verín Futsal (Alevín) das Escolas Deportivas do Concello de Verín venceu por 6-0 ao Ex alcohólicos (A Coruña) na final do campionato galego de fútbol sala -nas categorías Benxamín e Alevín masculinos- celebrado o domingo 8 de maio en Verín, proclamándose campión.

Os vindeiros días 11 e 12 de maio terá lugar na Piscina Climatizada de Verín as xornadas 'Primeiros auxilios e iniciación ao salvamento acuático' destinada aos/ás menores dos cursos de natación que se imparten nesta instalación deportiva.

O Salón de Actos da Casa da Cultura de Verín acolle o vindeiro mércores 11 de maio, ás 19:30 horas, a conferencia O mundo da morte, as almas e os defuntos, de Miguel Losada, dentro das actividades do ciclo Crenzas Antigas e Mitoloxía, organizado pola Biblioteca Municipal do Concello de Verín.