Concello de Verín

As operadoras de telefonía móbil, Telefónica, Vodafone e Orange, comezarán a ofrecer en Verín a partir do  servizos sobre a rede 4G na banda 800MHz, o que permitirá aos verineses para gozar de conexións móbiles de alta velocidade sobre tecnoloxía LTE (4G) cunha mellor cobertura no interior dos edificios e maior extensión xeográfica. Para garantir a compatibilidade da nova tecnoloxía coa Televisión Dixital Terrestre (TDT), os operadores puxeron en marcha Chega800, entidade encargada de solucionar calquera afectación na recepción do sinal de televisión.

O Goberno municipal de Verín ven de expresar o seu apoio á manifestación en defensa da sanidade pública, convocada mañá a partir das 18:30 dende a praza do Concello. O tenente de alcalde e portavoz do goberno, Diego Lourenzo, expresou en nome do Goberno municipal “o total respaldo á denuncia das políticas de recorte da Xunta nesta materia”, e o seu compromiso  co mantemento e mellora de todos os apartados asistenciais na comarca.

A Eurocidade Chaves-Verín, xunto os equipos Melicias Team (Portugal) e o ACARD Moto de Campo (Galicia) organizan conxuntamente o primeiro torneo Enduro Eurocidade Chaves-Verín, que terá lugar o domingo 19 de marzo. Así foi acordado mediante convenio de colaboración transfronteirizo asinado hoxe entre as tres partes implicadas na sede da Eurocidade Chaves-Verín.

Entre o 27 e o 31 de marzo, a Biblioteca Municipal do Concello de Verín  organiza un  ciclo de actividades  adicado a Alfonso Graña, emigrante e explorador galego,  proclamado "Rei dos Xíbaros", co nome de "Alfonso I da Amazonía".

Até o día 28 de marzo, data improrrogable, está aberto o prazo para se inscribir no curso de formación de lingua galega que se celebrará en Verín e que capacita para se presentar ao exame do CELGA 4. O curso está promovido pola Secretaría Xeral de Política Lingüística e organizado en colaboración co Concello de Verín. A inscrición é gratuíta e está aberta a persoas maiores de dezaseis anos, ou que os fagan até o día 31 de decembro incluído. A solicitude pódese tramitar no Concello de Verín ou no web da Xunta de Galicia.