Concello de Verín

O vindeiro mércores 6 de xuño, ás 18 horas, terá lugar na Biblioteca Pública Municipal de Verín a representación da obra “Scooby-Doo e o misterio da costureira”. Dona Noelia Gallego Campos, estudante de 4º da E.S.O., foi a encargada de guionizar a obra readaptando aos personaxes da mítica serie televisiva un argumento que escribira fai un ano.

Os cinco protagonistas da serie orixinal deciden investigar a desaparición de María Silva Lousada, unha veciña de Verín que é raptada por un misterioso monstro de cores.
Resolverán o caso os nosos amigos?

Do 7 ao 22 de xuño, a Biblioteca Pública Municipal de Verín acolle un ciclo temático dedicado a D. Eloy Luis André, sen dúbidas un dos grandes eruditos que deu a comarca de Monterrei. Durante estas xornadas desenrolaranse unha serie de actividades dentro do complexo bibliotecario coa finalidade de investigar e honrar a vida desta personaxe tan destacada na Vila.

Esta mañá, tivo lugar no Concello de Verín a Mesa de Coordinación Interinstitucional contra a Violencia de Xénero, cuxa finalidade é convocar ás diferentes institucións implicadas na loita contra a violencia de xénero da comarca e da provincia de Ourense, para dar unha resposta máis efectiva ós casos e incidir na importancia da prevención primaria.

Conscientes da importancia que ten o tempo de lecer e ocio nos rapaces,  decidiuse levar a cabo un ano máis o campamento de verán no albergue do Parque Natural do Invernadeiro. 

O prazo de inscrición comeza o 5 de xuño para os empadroados e para os non empadroados o 6 de xuño. As solicitudes cubriranse na Oficina Municipal de Información Xuvenil por rigorosa orde de inscrición e pago correspondente ata cubrir ás 100 prazas. A cota é de 130 € para os/as rapaces empadroados no Concello de Verín e 160 € para os non empadroados.

Durante os días 8, 9 e 10  de xuño, o cinema municipal de Verín acolle a proxección da película “Han Solo: Unha historia de Star Wars” no Salón de Actos da Casa da Cultura nos seguintes pases: