Concello de Verín

Tras dous anos de tramitación, o Concello de Verín completa o expediente de expropiación dos terreos e fai realidade o futuro parque de A Preguiza. Cun investimento inicial de 97.507,66 euros, este novo pulmón verde terá unha superficie total de 25.452,18 m²,  converténdose así na primeira das grandes áreas de lecer das que dispoñerá a vila nos próximos anos, xunto co futuro parque de Fontenova.

O Concello de Verín informa da apertura da convocatoria das axudas do PROGRAMA EMEGA 2018. Trátase de liñas de axudas enfocadas a promover a posta en marcha de novas iniciativas empresariais e a creación de emprego feminino estable por conta propia e allea.(D.O.G. 04/07/2018)

Prazo de solicitudes: ata o 06/08/2018.

Presentación electrónica das solicitudes obrigatoriamente a través da sede electrónica da Xunta.

O vindeiro xoves 12 de xullo, ás 21.00 horas, o Auditorio Municipal de Verín acolle a representación “Malo Será!”. Unha actuación que xunta sobre un mesmo escenario a diversas personalidades destacadas da nosa televisión. As entradas estarán disponibles ao prezo de 8 euros en ataquilla https://bit.ly/2ziXyzo.

O vindeiro 7 de xullo Verín celebra a Xuntanza de Conductores na honra de San Cristovo. O evento terá lugar na zona do recinto da Lonxa Agropecuaria e nos arredores do Barrio de San Antón.

A festa comezará as 10 da mañá cunha exposición de stands na zona do recinto da Lonxa Agropecuaria na que se exporán varias marcas coas súas ultimas novidades no sector. A charanga Fuego será a encargada de amenizar aos asistentes que ademais contarán con servizo de bar e pulpeira.

Ás 16.30 dará comezo o tradicional desfile de Camións Engalanados polas rúas de Verín que rematará ás 18.00 horas cunha misa e procesión na honra do patrón San Cristovo e daqueles compañeiros que xa non se encontran entre nós.

O goberno municipal do Concello de Verín anunciou que se personará como acusación particular “en defensa dos intereses dos veciños de Verín”, dado que a empresa reclama o consistorio más de 1,4 millóns de euros por terlle paralizado a súa actividade nesta vila.  Asimesmo anunciou hoxe que pon a disposición da Fiscalía toda a documentación relativa ó contrato adxudicado por este concello á empresa Bilbomática para a colocación de radares no termo municipal, investigada a nivel nacional na chamada “Operación Enredadera”.