Concello de Verín

O pasado xoves, 21 de xuño, tivo lugar a clausura do primeiro ciclo formativo dirixido a coidadores/as non profesionais que de forma habitual teñan a persoas dependentes ao seu cargo. Este programa formativo é un proxecto do Departamento de Servizos Sociais do Concello de Verín, en colaboración con Cruz Vermella Monterrei e a Deputación Provincial de Ourense.

Hoxe, 26 de xuño, tivo lugar no casa consistorial a presentación da 8ª Concentración de Vespas Lambrettas e motos clásicas de Verín, que organiza o Club Vespa Verín en colaboración co Concello de Verín e que se celebrará os vindeiros sábado 7 e domingo 8 de xullo.

O vindeiro 5 de xullo, a AECT Eurocidade Chaves- Verín organiza na súa sede en Feces de Abaixo (antiga Aduana) unha Xornada Informativa sobre o proxecto “Low Carbon Innovation”, enfocado ao desenvolvemento sustentable para PYMES e emprendedores. No evento, que dará comezo ás 10.30 horas, farase unha presentación do proxecto e detallaranse as labores de Ecoinnovación que se prestarán ás empresas.

Desde a Fundación Galicia Europa, socia do proxecto Eurocidade 2020, están a levar a cabo un estudo sobre a situación da Eurocidade Chaves-Verín coa finalidade de saber que se coñece sobre esta, que se espera dela e cales se considera a poboación que deben ser as prioridades de acción.

O vindeiro mércores 27 de xuño, ás 19:30 horas, a Cruz Vermella de Monterrei, en colaboración co Concello de Verín, organiza a súa II Gala Benéfica no Auditorio Municipal de Verín. A primeira edición, no verán pasado, tivera como temática a música. Este ano, en cambio, xirará en torno ao teatro.