Concello de Verín

A concelleira de Turismo, Cultura e Festexos, Samanta Barreira, presentou esta mañá no Salón de Actos da Casa da Cultura a programación oficial do Entroido 2025, que ofrecerá máis de 160 horas de música en directo e unha ampla variedade de actividades destinadas a todos os públicos.

Verín acollerá o próximo 13 de febreiro a I Feira de Orientación Profesional, unha iniciativa novidosa organizada grazas á colaboración entre os Departamentos de Orientación dos tres centros públicos de secundaria da vila (IES Castro de Baronceli, IES Xesús Taboada Chivite e IES García Barbón) e a Dinamizadora da Relación con Empresas na FP do IES García Barbón. O evento desenvolverase no Auditorio de Verín en horario de mañá e está dirixido ao alumnado de 4º de ESO, 2º de FPB, Ciclo Medio de Coidados Auxiliares de Enfermaría e 2º de Bacharelato dos centros organizadores; ademais de estudantes de 4º de ESO dos centros concertados CPR María Inmaculada e CPR Mercedarios.

O CEIP Medeiros deseña o cartel oficial que representará o vindeiro Desfile Infantil do Entroido 2025, que percorre durante a mañá do Xoves de Comadres as rúas e prazas de Verín.

O subdelegado do Goberno en Ourense, Eladio Santos, e o alcalde de Verín, Gerardo Seoane, copresidiron a Xunta Local de Seguridade, na que se analizou a situación da seguridade cidadá no municipio, os casos de violencia de xénero, o Plan Director para a Convivencia nos centros educativos e se coordinou o dispositivo de seguridade de cara ás próximas celebracións do Entroido.

O Concello de Verín abre o prazo de inscrición para as carrozas e comparsas que desexen participar no desfile do Entroido deste ano. A data límite para formalizar a participación será o luns 24 de febreiro, ás 19:00 horas.