Concello de Verín

A próxima acción social no marco da programación “Descubre a Eurocidade Chaves-Verín – o outro lado que tamén é noso” terá lugar o día 31 de xullo, mércores, e está destinada á poboación de Verín. Esta edición coincide co primeiro día do Festival N2, no Xardín Público da cidade de Chaves; un festival de renome que reflicte o crecente interese pola Estrada Nacional 2, que conecta Chaves con Faro.

O presidente do C.R.D.O. Monterrei, Manuel Vázquez, e o alcalde de Verín, Gerardo Seoane, asinaron un convenio de colaboración entre ambas entidades destinado á organización da XVIII Feira do Viño de Monterrei, que se celebrará do 8 ao 10 de agosto.

A vila de Verín prepárase para acoller unha nova edición do Extruga na Rúa, o festival de referencia da cultura urbana no sur de Galicia, que este ano celebra a súa sétima edición cunha programación diversa, gratuíta e aberta a toda a veciñanza.

No marco do programa de Voluntariado Xuvenil incluído no proxecto municipal “Oásis de diversión e aprendizaxe”, os nenos e nenas da Ludoteca e do Campamento Urbano do Concello de Verín participaron este luns nunha xornada educativa moi especial coa visita de varias unidades da Garda Civil.

A XVIII Feira do Viño de Monterrei terá unha pregoeira de luxo. A actriz, guionista e directora Mariana Carballal, será a encargada de efectuar o pregón que dará inicio a esta celebración. Unha persoa fortemente vinculada co territorio e que leva a denominación de orixe Monterrei sempre consigo.