Concello de Verín

 As cifras falan por si soas e deixan ben claro que a primeira edición da Festa da Cervexa, organizada polo  Concello de Verín, vén para quedar. Tras dous intensos días de celebración, a organización pechou este domingo a gran carpa instalada na  Preguiza cun balance “moi positivo”. Así o confirmou esta mañá o alcalde de Verín, Gerardo Seoane, quen afirmou que se abriron un total de 125 barrís de cervexa para servir aos máis de 4.500 asistentes que visitaron o recinto os días 8 e 9 de outubro.

 O vindeiro sábado 16 de outubro, ás 18:00 horas, o Auditorio Municipal de Verín acollerá a charla “112 desde cero” impartida por Brais Quintairos, enfermeiro do Summa 112. Devandita conferencia busca achegar aos asistentes o mundo das emerxencias a través dun relatorio ameno e didáctico.

 O Concello de Verín, ABANCA e Afundación inauguraron onte, mércores 6 de outubro ás 11.15  h, a mostra «Múltiple. A arte  do gravado de Picasso a Barceló». Ao acto asistiron Mateo Alonso San Román, coordinador institucional de ABANCA en Ourense; Pablo Villar, director da oficina de ABANCA en Verín; e Xosé Carlos  Caneiro, vicepresidente de Afundación.

 O Concello de Verín abre o prazo de inscrición para dous cursos  AFD' S (Formación para desempregados): Un Curso de Socorrismo en Instalacións Acuáticas e outro de Atención Socio-sanitaria a Persoas Dependentes en Institucións Locais.

Co remate do verán, o Museo de Verín fai balance da súa actividade dende a reapertura das súas portas o pasado mes de xuño. Tras estes meses, o total de visitantes superou a barreira dos 1.750, incluíndo turistas procedentes de Portugal, Alemaña, Holanda, Francia ou incluso Florida. Sen embargo, un ano máis, cobrou especial importancia a cifra de visitantes nacionais, amosando a tendencia do cambio de modelo cara un turismo de proximidade. Outra porcentaxe importante dos visitantes corresponde aos veciños e veciñas da comarca, que continúan a ver o centro coma un referente cultural e unha institución capaz de complementar a axenda de ocio local.