Concello de Verín

 O vindeiro sábado 13 de novembro, ás 19:00 horas, o Auditorio Municipal de Verín acollerá a Gala Musical pola Igualdade “Soamos Iguais: é positivo”, organizada pola Anpa do Conservatorio de Música Profesional da vila en colaboración co Concello de Verín. Devandito evento está subvencionado pola consellería de Emprego e Igualdade coa finalidade de promover a igualdade e previr a violencia de xénero neste centro educativo dependente do ente municipal.

 Máis de mil persoas visitaron “Múltiple. A arte do gravado de Picasso a Barceló”, mostra que acolleu a Sala de Exposicións de Verín até o pasado venres día 5. Nos vinte días nos que a exposición organizada pola Afundación Obra Social ABANCA coa colaboración do Concello de Verín estivo aberta ao público recibiu un total de 1023 visitas.

 O vindeiro venres 12 de novembro, ás 19:30 horas, o Salón de Actos da Casa da Cultura de Verín acolle a presentación da obra “Mudar o Mundo. Na procura dun novo paradigma para uma humanidade” de Artur Afonso Novelhe.

Entre o 4 e o 8 de decembro, O Concello de Verín organizará na Praza Maior a súa Feira de Nadal. As persoas interesadas en participar na mesma deberán enviar a organización as ideas e propostas do seu produto así como da decoración do seu stand.

O mércores 17 de novembro, ás 20:00 horas,  o Centro Dramático Galego representará no Auditorio do Concello de Verín a obra teatral “O Charco de Ulises”, unha versión libre da Odisea traspasada a un contexto atlántico polo seu autor, Santiago Cortegoso. Do mar ao océano. De Ítaca a Galicia. De Troia a Buenos Aires. Do Mediterráneo ao Atlántico.