Concello de Verín

 Dende a área de Mocidade do Concello de Verín organízase o programa deportivo "Escola de Verán 2022" (Convive en Igualdade) e infórmase que a partir do vindeiro luns, 30 de maio, ábrese o  prazo de inscrición formal. A Escola de Verán é unha iniciativa lúdico-deportiva que xa cumpre a súa 23ª edición e que está ideada para nenos e nenas nados entre o 2008 e o 2018.

 Os vindeiros 3 e 4 de xuño, a Biblioteca de Verín celebrará as IV Xornadas de Novela Negra “Personaxes de Novela”, evento no cal participarán escritores e escritoras de primeiro nivel como Arantza Portabales, Xaquín F. Leiceaga e Alejandro Corral; así como un elenco de profesionais, que normalmente aparecen nas novelas deste xénero literario, como o ex Comisario de Vilagarcía, Enrique León, o Comandante da Garda Civil Secc. Homicidios da U.C.O., Víctor Souto, dous médicos forenses Iria del Río e Fernando Serrulla, un xornalista Rafa Cid, director do Centro Territorial de RTVE Galicia, e o Xuíz Vázquez Taín (coordinador e director do evento).

 Mañá xoves 26 de maio o Concello de Verín  abre o prazo de inscrición da ludoteca de verán “ Convive en Igualdade”, actividade destinada a menores de 3 a 10 anos, organizada pola Oficina Municipal de Información Xuvenil.

 Mañá xoves 26 de maio o Concello de Verín  abre o prazo de inscrición para o Campamento Urbano “Támega” actividade destinada a menores de 11 a 14 anos, organizada pola Oficina Municipal de Información Xuvenil.

 Salvagardar a integridade medioambiental do tramo alto do Támega. Este é o argumento con que o Goberno municipal de Verín iniciou hoxe o procedemento para a recuperación do Servizo Municipal de Augas, ante os indicios «certos e medibles» de que se non intervén podería rexistrarse un dano ecolóxico para o ecosistema da comarca. O Consistorio cree, ademais, que este é o momento preciso de plantexar un proxecto de renovación da rede de saneamento e abastecemento de Verín, a conta de fondos europeos.