Concello de Verín

No marco das actividades programadas pola Rede de Dinamización Lingüística no Ano Castelao, a Casa da Cultura de Verín será escenario dunha proposta teatral dirixida ao público familiar: “Castelao, un corazón á intemperie”, da compañía Fantoches Baj.

A concelleira de Turismo, Cultura e Festexos do Concello de Verín, Samanta Barreira, presentou esta mañá no salón de plenos a programación da Semana das Letras Galegas 2025, que se celebrará do 10 ao 18 de maio.

O municipio ourensán de Verín foi escenario este pasado domingo 27 de abril da segunda proba da Copa de España de Descenso 2025. O III DHI Pozo do Demo contou coa participación de 200 pilotos entre os que o madrileño Daniel Castellanos (Planet MTB) e a suíza Camille Balanche foron os máis rápidos nas finais para facerse co triunfo final nun evento da clase C2 no calendario da Unión Ciclista Internacional (UCI).

O Concello de Verín participou hoxe na presentación da nova campaña de dinamización comercial organizada pola Asociación de Empresarios de Verín (AEVER), que inclúe dúas accións destacadas: a participación na Feira Solidaria dos Maios e a campaña especial polo Día da Nai. O acto contou coa presenza do presidente de AEVER, Santos Álvarez; o xerente da entidade, José Ángel Rodicio; e, en representación da área municipal de Comercio, o concelleiro Manuel Lorenzo.

O xoves 1 de maio, como vén sendo habitual desde os anos oitenta, a praza da Alameda de Verín acollerá a tradicional Festa dos Maios. Por outra banda, a  Praza García Barbón será o escenario dunha nova edición da Feira Solidaria de Verín que contará coa participación de entidades sen ánimo de lucro, que ofrecerán todo tipo de produtos e/ou servizos con fins solidarios. Así o confirmou esta mañá a concelleira de Turismo, Cultura e Festexos, Samanta Barreira.