Concello de Verín

 O sábado 27 de marzo, ás 19:00 horas, a compañía  MDM, poñerá en escena a obra de Carlo Goldoni “El mentiroso,” unha simpática comedia, para todos os públicos, dividida en tres actos que relata a historia dun mozo que xamais puido dicir a verdade. Bufóns, burgueses e a xente do pobo conviven en “El mentiroso.” Elenco artístico: Daniel Vignolo, Mauricio Albera e Javier Calleja.

 O  Concello de Verín vén de activar o seu plan especial de limpeza e desbroce das marxes do río Támega. Os operarios municipais xa se atopan traballado na primeira das súas fases, que abarca os tramos comprendidos entre a área recreativa de Tintores ata ponte da  N-525 ao seu paso por Verín; e desde a ponte de Pazos ata nova ponte en construción situado en Queizás.

O Salón de Plenos do Concello de Verín acolleu esta mañá unha sesión ordinaria na que se abordaron os seguintes puntos:

1. APROBACIÓN DA ACTA DA SESIÓN ORDINARIA DE DATA 18/02/2021.

2. Expediente 3751/2020. Elaboración e Aprobación do Orzamento a RESOLUCIÓN SOBRE RECLAMACIONS Á APROBACIÓN INICIAL E APROBACIÓN DEFINITIVA ORZAMENTO 2021.

3. Expediente 85/2021. RESOLUCIÓN CONVENIO COOPERACIÓN COA CONSELLARÍA DE POLÍTICA AGROALIMENTARIA E DESENVOLVEMENTO RURAL PARA A REALIZACIÓN DAS OBRAS DE ACONDICIONAMENTO DO LOCAL DA PRAZA DE ABASTOS.

4. Expediente 723/2021. CESIÓN TRAMOS URBANOS ESTRADAS OU-113 e OU-310.

5. INFORMACIÓNS E OUTROS ASUNTOS DA PRESIDENCIA.

6. DAR CONTA DOS DECRETOS DITADOS POLA ALCALDÍA E POLAS DISTINTAS CONCELLARÍAS DELEGADAS, EN MATERIA DE ADMINISTRACIÓN LOCAL, DENDE O 12/02/2021 ATÉ O 04/03/2021, AMBAS AS DÚAS DATAS INCLUÍDAS.

7. ROGOS E PREGUNTAS

 O Concello de Verín acollerá os próximo días 25, 26 de 27 de marzo o IV Ciclo do Programa Universitario de Maiores da Universidade de Santiago de Compostela, que leva por título "Camiños de coñecemento e experiencia. Proxecto de democratización do Coñecemento", grazas a un acordo de colaboración entre a USC e este ente municipal. Esta iniciativa está dirixida a persoas de máis de 50 anos.

 Gerardo Seoane Fidalgo, alcalde do Concello de Verín, e o presidente da Agrupación de Voluntarios de Protección Civil de Verín, Manuel Alfonso Araujo, asinaron esta mañá o convenio de colaboración entre  as dúas entidades para o mantemento da operatividade e prestación de servizos da agrupación no ano 2021.