Concello de Verín

A Eurocidade Chaves-Verín recibiu, na xornada de hoxe, un dos galardóns dos ‘Premios de Excelencia en Seguridade Viaria’, entregados pola Comisión Europea aos seis compromisos máis destacados de 2010 na Carta Europea da Seguridade Viaria.

A sede da Fundação de Serralves en Porto acolleu a celebración do IX Plenario da Comunidade de Traballo Galicia-Norte de Portugal, no que o titular da Xunta de Galicia,  Alberto Núñez Feijóo tomou a presidencia deste organismo.

O venres 4 de febreiro, de 18 a 19.30 horas, terá lugar na Biblioteca Pública Municipal de Verín a iniciativa ‘Un mundo imaxinario’, no marco da programación de actividades destinadas ao fomento da lectura e dinamización da instalación municipal.

O Fondo Galego de Cooperación e Solidariedade vén de por en marcha unha campaña de incidencia política para lograr que se manteña o compromiso cos países empobrecidos. Trátase, perante os próximos comicios municipais, de que as forzas políticas teñan presente que a sociedade galega si lles demanda que manteñan o pulso da solidariedade coas persoas e países que viven en crise estrutural e, pola mesma, permanente. Estase a falar dun esforzo ínfimo que debera ser aumentado.

Un ano máis, o Concello de Verín promoveu o concurso para seleccionar o cartel oficial das festas, que contou coa participación cidadá no proceso de selección. En devandito proceso participaron un total de 283 veciños/as que, previa presentación do DNI, puideron escoller tres dos vinte e dous carteis. Unha vez concluídos o período de votación, desde o 13 de decembro ao 08 de xaneiro, aos tres carteis que recibiron máis votos outorgáronselles seis puntos ao primeiro, catro ao segundo máis votado e dous ao terceiro, obtendo o seguinte resultado: