Concello de Verín

Na xornada de onte, disputouse a final do 1º Torneo de Pádel 'Concello de Verín', organizado polo ente municipal, durante os meses de xuño e principios de xullo. O equipo vencedor desta primeira edición foi Natalú, conformado por Luis Prieto e Nazario Blanco, que gañaron por 3 sets a 2 ao equipo Areté, composto por Iván Fernández e Ricardo Vázquez.

O departamento de Servizos Sociais do Concello de Verín organiza ata o mes de outubro obradoiros de 'Prevención da dependencia e pautas ao coidador no rural', destinados a maiores de 65 anos e coidadores de persoas dependentes.

O alcalde de Verín, Juan Manuel Jiménez Morán, reuniuse con Manuel Fernández Pellicer, director de zona Galicia de Unión Fenosa Distribución, e Juan José Coiradas Samade, xefe do sector Ourense-Lugo de Unión Fenosa Distribución, para establecer as primeiras actuacións destinadas ao traslado da subestación de Unión Fenosa do casco urbano da localidade ao Polígono Industrial de Pazos.

O 2 de setembro remata o prazo de inscrición do proceso de selección de adxudicatarios de dúas vivendas de promoción pública cualificada, en réxime de aluguer, situadas no Barrio de San Lázaro de Verín.

As cidades de Vigo, Braga e Porto acollerán durante os días 6, 7 e 8 de xullo a celebración dos Open Days 2011 – Evento Local da Eurorrexión Galicia – Norte de Portugal, destinado a presentar algúns dos principais proxectos e actividades levadas a cabo na Eurorrexión Galicia-Norte de Portugal, tanto á cidadanía como aos representantes da Unión Europea para, deste xeito, promover a investigación, a innovación, o desenvolvemento, a mobilidade, o turismo, e as iniciativas levadas a cabo nestas áreas para fomentar un crecemento intelixente, sustentable e integrador.