Concello de Verín

O Proxecto de Educación e Seguridade Viaria da Eurocidade Chaves-Verín, galardoado nos ‘Premios de Excelencia en Seguridade Viaria’ da Comisión Europea, foi incluído no ‘Catálogo de Experiencias en Seguridade Viaria Urbana en España’, realizado polo Ministerio de Interior a través da Dirección General de Tráfico.

Os días 21 e 22 de febreiro, ás 20 horas, os departamentos de Cultura dos concellos de Verín e Xinzo de Limia, a Asociación O Cigarrón e a Asociación A Pantalla promoven a realización de dúas conferencias, emitidas para a rede de aulas de Cidades Dixitais, sobre o Entroido no sur da provincia de Ourense, en concreto, o de Xinzo de Limia e Verín.

A Casa da Cultura de Verín acolle hoxe 16 de febreiro, a partir das 17 horas, a charla 'Fibromialxia, vivir con dor', organizada pola Asociación de Fibromialxia e Síndrome de Fatiga Crónica de Ourense (AFFOU) en colaboración co Concello de Verín.

O programa Xogade (Xogos Galegos Deportivos), coa colaboración do Concello de Verín, organiza un Torneo de Natación nas categorías de benxamín -nados nos anos 2001 e 2002- e alevín -1999 e 2000-.

O venres 18 de febreiro, de 18 a 19.30 horas, a Biblioteca Pública Municipal de Verín organiza a actuación ‘A natureza e os animais’, dentro da programación de actividades destinadas ao fomento da lectura e dinamización desta instalación cultural.