Concello de Verín

O vindeiro 4 de novembro, o salón de actos da Casa da Cultura de Verín acollerá a conferencia 'Pais con fillos adolescentes: contigo aprendín', impartida Ana Isabel Saz Marín, psicóloga e condutora do programa S.O.S. Adolescentes de Cuatro, e enmarcada dentro do curso.  'Mediación e resolución de conflitos interxeneracionais', organizado polo Centro Asociado da UNED en Ourense e o departamento de Educación Familiar do Concello de Verín.

O alcalde de Verín, Juan Manuel Jiménez Morán, e o concelleiro da área de Mocidade e Deportes, Víctor Manuel Baladrón Lamas, presentarán na xornada de mañá, a partir das 19 horas, aos nove equipos federados das Escolas Deportivas de Fútbol e Fútbol-Sala do Concello de Verín para a tempada 2011-2012.

Chaves e Verín aprobaron o regulamento da Tarxeta do Eurocidadán, unha iniciativa de ambos municipios no ámbito do proxecto de cooperación tranfronteiriza da Eurocidade. En Chaves, o regulamento foi aprobado polo executivo na última reunión da Cámara, o pasado día 17 de outubro, en Verín validouse o día seguinte, no pleno municipal.

A Piscina Climatizada de Verín organiza durante este ano lectivo cursos de natación para os/as alumnos/as do Centro de Educación Infantil e Primaria Laureano Prieto da localidade de A Gudiña.

A Xunta de Goberno da Deputación acordou aproba-las Bases reguladoras da terceira convocatoria do ano 2011 de concurso público para a concesión de bolsas internacionais da Deputación Provincial de Ourense no marco do Programa europeo Leonardo da Vinci.