Concello de Verín

O 2 de setembro remata o prazo de inscrición do proceso de selección de adxudicatarios de dúas vivendas de promoción pública cualificada, en réxime de aluguer, situadas no Barrio de San Lázaro de Verín.

As cidades de Vigo, Braga e Porto acollerán durante os días 6, 7 e 8 de xullo a celebración dos Open Days 2011 – Evento Local da Eurorrexión Galicia – Norte de Portugal, destinado a presentar algúns dos principais proxectos e actividades levadas a cabo na Eurorrexión Galicia-Norte de Portugal, tanto á cidadanía como aos representantes da Unión Europea para, deste xeito, promover a investigación, a innovación, o desenvolvemento, a mobilidade, o turismo, e as iniciativas levadas a cabo nestas áreas para fomentar un crecemento intelixente, sustentable e integrador.

Desde Desenvolvemento Local do Concello de Verín infórmase da publicación da convocatoria de Axudas para a habilitación de liñas de financiamento subsidiado para microempresas, proxectos emprendedores e investimentos das pemes para a mellora competitiva (Programa Re-Imaxina).

A área de Deporte e Mocidade do Concello de Verín e a Asemblea Comarcal de Cruz Vermella Monterrei organizan a terceira edición do Día da Bici Solidaria, o próximo domingo 10 de xullo, baixo o lema ‘Pedalea con Cruz Vermella’.

Durante o fin de semana do 16 e 17 de xullo, o municipio de Verín acollerá a quinta edición do Maratón de Fútbol – Sala, organizado pola área de Mocidade, Deporte e Festexos do Concello de Verín, coa colaboración da Eurocidade Chaves-Verín.