Concello de Verín

Do 12 ao 15 de agosto, o Complexo Deportivo A Granxa acollerá a celebración do I Torneo de Pádel de Verán 'Vila de Verín', organizado polo Concello de Verín e a Asociación de Empresarios de Verín.

Desde o 20 de agosto ao 11 de setembro, a Asociación de concellos das comarcas Monterrei e Conso Frieiras para o plan de competitividade turística e a Asociación de Empresarios de Turismo e Hostalería Portas de Galicia desenvolverán actuacións promocionais, de marketing e  comercialización no marco da Volta Ciclista a España, na que Verín será sede de inicio da etapa do día 31 de agosto.

Na xornada de hoxe, a Biblioteca Pública Municipal do Concello de Verín volveu saír a rúa co obxecto de acercar os libros o máis posible aos/ás lectores/as, e incentivar a importancia da lectura tanto dos/as máis novos/as como do público en xeral.

Durante o sábado 6 de agosto, Verín acollerá a 2ª Xuntanza Motera Internacional, na que participará cincocentos motoristas procedentes do norte de Portugal e Galicia.

Do 8 ao 12 de agosto, a praza García Barbón de Verín acollerá a terceira edición do Campionato de Fútbol 3 x 3, organizado pola área de Mocidade, Deporte e Festexos do Concello de Verín, coa colaboración de Espina & Delfín.