Concello de Verín

En cumprimento do que dispón a lexislación electoral, o Pleno do Concello de Verín efectuou o sorteo para a formación das mesas electorais que teñen que actuar nas eleccións ao Parlamento de Galicia o vindeiro 21 de outubro de 2012, cos seguintes resultados:

O vindeiro venres 28 de setembro, de 18 a 19.30 horas, a Biblioteca Pública Municipal de Verín programa a iniciativa 'Mar de Marionetas', no marco da programación de actividades destinadas ao fomento da lectura e dinamización da instalación municipal.

O xoves día 27 de setembro ás oito da tarde proxectase na Casa da Cultura de Verín a comedia 'Los muertos van deprisa', do guionista e director Ángel de la Cruz, que gañou tres premios Goya, e que é a longametraxe máis premiada do cine galego, con nove premios Mestre Mateo da Academia Galega do Audiovisual.

Mañá sábado, a partir das 19.30 horas, o complexo deportivo de A Granxa acollerá o partido amistoso entre o Club Ourense Baloncesto e o C.B. Breogán, dous dos representantes galegos na elite do baloncesto nacional.

Co obxecto de facilitar a labor dos viticultores da comarca de Monterrei, que necesitan unha guía para o transporte de uvas a máis de sesenta quilómetros, a Oficina de Extensión Agraria de Verín abrirá os dous últimos sábados do mes de setembro. Esta oficina, situada na praza da Alameda de Verín, estará aberta os días 22 e 29 de setembro, de 9 a 14 horas.