Concello de Verín

O Fondo Galego de Cooperación e Solidariedade celebra 15 anos de compromiso cos Dereitos Humanos cun gran evento en Santiago de Compostela este venres día 30. O edificio Cersia, situado en San Lázaro, acollerá a partir das 12.30 horas un acto conducido pola actriz Mariana Carballal. Previamente, desde as 9 da mañá, terán lugar as VII Xornadas de Cooperación: 15 anos comprometéndonos coa solidariedade.

A Eurocidade Chaves-Verín, Câmara Municipal de Chaves, Concello de Verín, Voz da Juventude xunto con Gráfica Sinal promoven a realización da campaña 'Nadal solidario, espalle alegría na Eurocidade', destinada a recoller alimentos non perecedoiros e xoguetes que serán repartidos entre as familias flavienses e verinenses máis necesitadas.

Desde Desenvolvemento Local do Concello de Verín infórmase da publicación da Orde IET/2481/2012, do 15 de novembro, pola que se aproban as bases reguladoras da concesión de axudas para proxectos e actuacións dentro do programa Emprendetur I+D+I composto polas liñas Emprendetur I+D e Emprendetur Desenvolvemento de produtos innovadores no marco do Plan Nacional e Integral do Turismo e se efectúa a convocatoria correspondente ao ano 2012.

Desde Desenvolvemento Local do Concello de Verín infórmase da publicación da Orde IET/2482/2012, do 15 de novembro, pola que se aproban as bases reguladoras da concesión de axudas para proxectos e actuacións dentro do programa Emprendetur Xóvenes Emprendedores no marco do Plan Nacional e Integral do Turismo e se efectúa a convocatoria correspondente ao ano 2012.

O vindeiro venres 30 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos do espantallo', no marco da programación de actividades destinadas ao fomento da lectura e dinamización da instalación municipal.