Concello de Verín

Máis de medio centenar de persoas inscribíronse nos últimos quince días no Concello de Verín como demandantes de formación compensatoria en galego. Superada a demanda mínima necesaria para solicitar cada nivel (20 inscritos/as), o Concello de Verín solicitará da Secretaría Xeral de Política Lingüística que se impartan en Verín dous cursos de galego, para os niveis de Celga 2 e de Celga 4.

A aula Multimedia do Concello de Verín ofertará durante as próximas semanas sete novos cursos formativos de informática para os/as usuarios/as interesados en ampliar os seus coñecementos no sector da comunicación e novas tecnoloxías.

O vindeiro 14 de febreiro, a Aula CeMIT de Verín acollerá, de 16 a 20 horas, a realización da iniciativa 'Miradas de Muller', destinada a ofertar formación e solucións de autoemprego a mulleres desempregadas co obxectivo de axudalas na súa incorporación ao mundo laboral.

Un ano máis, e xa van catro, o Club de Lectura da Biblioteca Pública Municipal do Concello de Verín retomou a súa actividade anual de fomento da lectura, co obxecto de converterse nun estímulo para a interacción entre os/as asistentes que acoden a instalación municipal.

Tras a aprobación definitiva do Plan Xeral de Ordenación Municipal de Verín, o pasado 7 de decembro, e a súa publicación no Diario Oficial de Galicia (Nº 239 Luns, 17 de decembro de 2012) e no BOP de Ourense (Nº 299, Luns, 31 de decembro de 2012), o mesmo pódese consultar na páxina web do Concello de Verín (www.verin.es).