Concello de Verín

Desde Desenvolvemento Local do Concello de Verín infórmase da publicación do anuncio polo que se convoca proceso selectivo para a contratación dun técnico mediante contrato laboral de obra ou servizo determinado con cargo ao proxecto denominado WINETech Plus, SOE3 / P1 / E759 Comunidade de innovación e novas tecnoloxías en viticultura e elaboración de viño.

O sábado 16 de marzo, a partir das 10.30 horas, o Pavillón Municipal de Deportes de Verín acollerá a realización da sexta edición do concurso Cigarrón de Verín, destinada a ser un referente gastronómico, así como relanzar os produtos e viños da comarca de Monterrei.

O Vidago Palace Hotel acolle do 08 ao 31 de marzo a exposición '12 Artistas da Eurocidade', organizada pola Eurocidade Chaves Verín, Associação Chaves Viva, Concello de Verín, Câmara Municipal de Chaves, coa colaboración do Hotel Vidago Palace.

Os 23 integrantes da Rede Ibérica de Entidades Transfronteirizas, entre os que se encontra a Eurocidade Chaves-Verín, que representan á totalidade dos territorios da fronteira hispano-lusa e que representa máis de 210.000 empresas en da fronteira máis longa de Europa formuláronlle ao Secretario de Estado de Desenvolvemento Rexional de Portugal e a altos responsables do Ministerio de Asuntos Exteriores de Portugal así como ao Embaixador Español en Portugal, entre outras autoridades, a esixencia de solucións para o seu desenvolvemento.

Dentro das actividades que terán lugar durante a celebración das xornadas da Feira do Lázaro e Certame Gastronómico ‘Vila de Verín’, está o II Encontro de Xadrez Chaves-Verín organizado polo centro de desenvolvemento rural Portas Abertas e Club de Mesa de Tenis e Xadrez de Chaves -tamén conta coa colaboración da Asociación de Xadrez de Vila Real, A Casa das Matemáticas, colexio Padres Mercedarios de Verín e Cabreiroá-.