Concello de Verín

O Pavillón de Deportes de Verín acolleu a sexta edición do Concurso de Gastronomía 'Cigarrón de Verín', englobado dentro da Feira do Lázaro e o Certame Gastronómico 'Vila de Verín', e no que participaron oito concursantes afeccionados, profesionais da restauración e alumnos/as pertencentes a diferntes escolas de hostalería de Ourense e Chaves (Portugal).

Os alcaldes de Verín e Chaves, Juan Manuel Jiménez Morán e João Gonçalves Martins  Batista respectivamente, asinaron esta mañá un convenio con Jorge Cebreiros Arce, presidente da Asociación Multisectorial de Nuevas Tecnologías de la Información y Comunicación (INEO), co obxecto de formar parte do proxecto nacional IntelligenTIC, permitindo desta forma sentar as bases para transformarnos na primeira Eurocidade intelixente da Península Ibérica.

O día 18 comezará na Casa da Xuventude de Verín un curso de galego do nivel CELGA 2, promovido polo Concello de Verín e organizado en colaboración coa Secretaría Xeral de Política Lingüística.

Promover a emancipación social e a participación política das mulleres é o obxectivo do proxecto que Implicadas no Desenvolvemento está a impulsar nos suburbios da cidade india de Tiruchy co apoio do Fondo Galego de Cooperación e Solidariedade. A asociación de Concellos e Deputacións cofinancia con 6.730 euros esta iniciativa que busca empoderar a 1.500 mulleres desfavorecidas e que está a ser implementada pola ONG local People’s Development Initiatives (PDI).

A Oficina Transfronteiriza de Información Xuvenil da Eurocidade, pertencente a Dirección Xeral de Xuventude e Voluntariado da Consellería de Traballo e Benestar da Xunta de Galicia, convoca un 'Curso de recursos turísticos', enmarcado dentro do proxecto Eurocidade II, aprobado ao abeiro do Programa de Cooperación Transfronteiriza Galicia-Norte de Portugal 2007-2013 (POCTEP).