Concello de Verín

Na xornada de hoxe, a Eurocidade Chaves-Verín, participa no seminario 'Emprendedurismo e innovación na raia hispano-lusa' da Rede Ibérica de Entidades Transfronteirizas, que está organizada polo organismo autónomo OAEDR da Diputación Provincial de Salamanca, en calidade de socio RIET no auditorio Hospedería Fonseca da Universidade de Salamanca.

O vindeiro sábado 20 de abril, a partir das 11.30 horas, a Casa da Cultura de Verín acollerá o relatorio 'Hixiene Postural', impartido por Silvia Alonso Feijoo, fisioterapeuta do Policlínico Verín, e enmarcado dentro programa 'Estamos a Tempo', que desenvolve o departamento de Servizos Sociais Comunitarios Básicos do Concello de Verín.

Desde Desenvolvemento Local do Concello de Verín infórmase da publicación da orde pola que se procede á apertura do prazo para a presentación da renovación do compromiso polos titulares de explotacións beneficiarios das axudas establecidas na Orde do 18 de abril de 2008, pola que se establecen as bases reguladoras das subvencións destinadas ao fomento de sistemas de produción de razas gandeiras autóctonas en réximes extensivos (Diario Oficial de Galicia número 79, do 24 de abril).

Desde Desenvolvemento Local do Concello de Verín infórmase da publicación das bases reguladoras para a concesión de subvencións en réxime de concorrencia non competitiva relativa ao Plan Renove de caldeiras industriais e se convocan as devanditas axudas.

Desde Desenvolvemento Local do Concello de Verín infórmase da publicación da orde do 3 de abril de 2013 pola que se procede á convocatoria de axudas para o fomento e consolidación das asociacións de cooperativas e de sociedades laborais para o ano 2013.