Concello de Verín

Desde Desenvolvemento Local do Concello de Verín infórmase da publicación da orde do 4 de abril de 2013 pola que se aproban as bases reguladoras para a concesión de axudas, en réxime de concorrencia competitiva, a fundacións, asociacións e institucións culturais, para a realización de programas culturais que se desenvolverán na Comunidade Autónoma e para os gastos de funcionamento derivados deles, e se procede a súa convocatoria para o ano 2013.

Desde Desenvolvemento Local do Concello de Verín infórmase da publicación da resolución do 10 de abril de 2013, da Dirección Xeral de Emprego e Formación, pola que se convocan probas de avaliación en competencias clave para acceder ás accións formativas dos novos certificados de profesionalidade de nivel 2 e 3 de cualificación dentro da formación profesional para o emprego na Comunidade Autónoma de Galicia.

O titular de Cultura, Educación e Ordenación Universitaria, Xesús Vázquez Abad, inaugurou esta mañá na sede da Eurocidade Chaves-Verín o I Encontro de Bibliotecas Escolares na Eurocidade: Xornada de Intercambio de Experiencias Galicia- Norte de Portugal, organizado pola Consellería a través do Centro de Formación e Recursos (CFR) de Ourense.

O alcalde de Verín, Juan Manuel Jiménez Morán, participa mañá co relatorio “Eurocidade Chaves-Verín, modelo de cooperación transfronteiriza intelixente” na mesa redonda 'Eurocidades e Smart Cities: ¿modelos de futuro? ', enmarcada dentro do ciclo de conferencias 25 anos de municipalismo:pasado, presente e futuro da administración local da Federación Galega de Municipios e Provincias (Fegamp).

Mañá sábado, a sede da Eurocidade Chaves-Verín (antiga aduana de Feces de Abaixo) acollerá o primeiro Encontro de Bibliotecas Escolares. Unha xornada de intercambio de experiencias entre profesionais de Galicia e Norte de Portugal, que ten por obxecto dar a coñecer experiencias de calidade en relación coa dinamización da biblioteca escolar, difundir modelos ou estratexias de interese relacionadas coa alfabetización informacional, fomento da lectura desde a biblioteca escolar e a procura de estratexias para a integración dos recursos da biblioteca escolar nos procesos de ensinanza-aprendizaxe.