Concello de Verín

Desde hoxe mércores, a Oficina Municipal de Información Xuvenil do Concello de Verín iniciou a tramitación das inscricións do campamento 'Ourensanía', organizado pola Deputación de Ourense.

O equipo Vianavet proclamouse vencedor da Copa de Fútbol 7 -Veteranos, tras gañar por 1 a 3 á formación CV Albeitar/Adega Caneda/Tien 21, no partido disputado o pasado sábado 22 de xuño no complexo deportivo A Granxa (o terceiro posto foi Gasolinera Feces- Horto Verín e o cuarto para Granitos Tintores).

Desde Desenvolvemento Local do Concello de Verín infórmase da resolución do 17 de xuño de 2013 pola que se conceden subvencións, en réxime de concorrencia non competitiva, a proxectos de enerxías renovables, con financiamento procedente de fondos comunitarios derivados do programa operativo Feder-Galicia 2007-2013, incluídos na convocatoria efectuada mediante Resolución do 9 de abril de 2013 (Diario Oficial de Galicia número 76, do 16 de abril).

Os alcaldes de Verín e Vilardevós, Juan Manuel Jiménez Morán e Manuel Cardoso Pérez, e o xefe de Servizo de Promoción de Emprego, Antonio González Amaro, entregaron esta mañá os diplomas aos/ás  alumnos/as do obradoiro de emprego 'Pozo do Demo'.

O Concello de Verín e Axencia Turismo de Galicia subscribirán un convenio de colaboración, autorizado mediante un proxecto de acordo aprobado no último Consello da Xunta, para a  execución  das obras de  adecuación  da  Casa da  Xuventude para  a súa utilización como sala de exposicións e oficina  de turismo.