Concello de Verín

Desde Desenvolvemento Local do Concello de Verín infórmase da publicación da resolución do 20 de setembro de 2013, da Secretaría Xeral da Igualdade, pola que se procede á publicación dos requirimentos de emenda de documentación das solicitudes presentadas ao abeiro da Resolución do 10 de xuño de 2013 pola que se convocan para o ano 2013 as axudas do programa Emega para o fomento do emprendemento feminino, cofinanciadas polo Fondo Social Europeo (FSE).

Nas últimas xornadas, un grupo de xornalistas lusos especializados en turismo de bicicleta de montaña desprazáronse ata o territorio de Puertas de Galicia para coñecer o funcionamento do centro BTT e os servizos que presta.

A Xunta de Goberno da Deputación acordou aproba-las Bases reguladoras da terceira convocatoria do ano 2013 de concurso público para a concesión de bolsas internacionais da Deputación Provincial de Ourense no marco do Programa europeo Leonardo da Vinci.

O mércores 02 de outubro, ás 17.30 horas, no salón de actos da Casa da Cultura de Verín terá lugar o obradoiro 'Coaching: Linguaxe non verbal e análise', a cargo de Elena Garrido Villarino.

O vindeiro venres 27 de setembro, de 18 a 19 horas, a Biblioteca Pública Municipal de Verín e a  Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, promoven a iniciativa Ler conta moito'.