Concello de Verín

Desde Desenvolvemento Local do Concello de Verín infórmase da publicación da orde do 21 de maio de 2014, da Consellería de Traballo e Benestar, pola que se establecen as bases reguladoras do programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o ano 2014.

A sede da Eurocidade Chaves-Verín AECT (antiga aduana de Feces de Abaixo) acollerá desde mañá, 04 de xuño, e ata o venres 06 de xuño, as xornadas “Cooperación transfronteiriza en materia de emerxencias: colaboración e coordinación entre os organismos intervinientes”.

A Ruta do Viño Monterrei, promovida pola Axencia de Turismo de Galicia, organizará os días 07 e 08 de xuño as III Xornadas de Portas Abertas, coa colaboración do Concello de Verín, a través da Oficina de Información Turística, e da Asociación de Sendeirismo Ruta das Augas.

O presidente do Goberno español, Mariano Rajoy, e o primeiro ministro luso, Pedro Passos Coelho, presidirán mañá mércores na localidade portuguesa de Vidago o cumio bilateral anual que se centrará en emprego e enerxía.

Novo éxito deportivo para o Club de Atletismo de Verín. Na segunda carreira do circuíto “Correndo por Ourense”, que se disputou no barrio ourensán de O Couto, a delegación verinense acadou o primeiro posto clasificatorio en seis das probas nas que participaron estes/as menores.