Concello de Verín

Baixo o lema “Valeria, a túa loita é a nosa loita”, os nenos e nenas participantes nesta nova edición da Ludoteca de Verán - Campamento Urbano, organizada pola Oficina Municipal de Información Xuvenil do Concello de Verín, recadarán fondos destinados ao tratamento de rehabilitación neurolóxica de Valeria De Dios, unha pequena verinense de catro anos que padece unha ataxia cerebelosa non filiada.

Os menores Quique Fernández Fernández e Joel Núñez Blanco resultaron gañadores dos sorteos presenciais dos agasallos do álbum das disciplinas competitivas EDC de Verín, promovido desde o Concello de Verín e a Asociación de Empresarios de Verín-Centro Comercial Urbano Verín (AEVER-CCU Verín), para a tempada 2013-2014.

A Sala de Exposicións de Verín acolle do 10 de xullo até o día 05 de agosto a mostra 'Soños de autor' do pintor Manuel Vázquez Ribada, coñecido co nome artístico Don Manuel.

Este fin de semana disputouse a final da Copa Galicia de Fútbol Sala, na categoría de cadete, na que se enfrontaron o Burela e o EDC Verín, que tras un partido disputado venceu por 3 goles a 0, acadando así a Copa Galicia desta tempada.

O vindeiro sábado 05 de xullo, ás 19.30 horas, terá lugar en Verín a celebración do 'Memorial Carlos Pérez Álvarez', unha homenaxe a este futbolista profesional nacido en Verín en 1971. Carlos Pérez (coñecido coma Carlos Álvarez en Portugal), xogou no Real Clube Celta de Vigo, UD Almería, GD Chaves, Vitória de Guimaraes SD, CD Nacional de Madeira e CD Ourense, antes de retirarse do mundo do fútbol e falecer tráxicamente o 5 de xullo de 2006, á idade de 34 anos.