Concello de Verín

Os días 29, 30 e 31 de xullo, 01, 04 e 05 de agosto terá lugar en Verín a realización do curso 'Iniciación á análise sensorial. Cata de viños galegos', organizado pola Estación de Viticultura e Enoloxía de Galicia (Evega), coa colaboración do Concello de Verín, PCT Puertas de Galicia, D.O. Monterrei e Instituto Galego de Calidade Alimentaria, entre outras entidades.

Na xornada de hoxe, a área recreativa de Pazos (Verín) acolleu a inauguración do primeiro tramo da Ecovía do Támega, no destino Chaves-Verín, así como a presentación da Guía Turística 'Ruta Termal e da Auga da Eurocidade Chaves-Verín', na que participaron a directora da Axencia Galega de Turismo, Nava Castro, o presidente da Deputación de Ourense, José Manuel Baltar, acompañados do alcalde de Verín, Juan Manuel Jiménez Morán, o vereador de Turismo da Câmara Municipal de Chaves, João Carlos Alves Neves, o presidente da Asociación de Discapacitados de Verín, Eduardo Atanes, o presidente de Aever-CCU Verín, José Ángel Rodicio, a presidenta da Asociación de Sendeirismo Ruta das Augas, Amaya Álvarez, así coma veciños/as da localidade.

O vindeiro 19 de xullo terá lugar a primeira andaina nocturna 'Ruta dos Carros', organizada polo Concello de Verín e Asociación de sendeirismo Ruta das Augas, coa colaboración de Protección Civil Verín, Multisport, Cabreiroá e Sendeiristas de Monterrei.

A Biblioteca Pública Municipal de Verín acolle este venres 18 de xullo, a partir das 19.30 horas, a presentación do libro 'Proxecto aldeas de Monterrei', de Bruno Rúa Martínez.

Na xornada de mañá, a directora da Axencia Galega de Turismo, Nava Castro, o presidente da Deputación de Ourense, José Manuel Baltar, acompañados dos alcaldes de Verín e Chaves, Juan Manuel Jiménez Morán e António Cabeleira, presentarán a Guía Turística 'Ruta Termal e da Auga da Eurocidade Chaves-Verín' e inaugurarán o primeiro tramo da Ecovía do Támega, que conectará os dous barrios da Eurocidade no ano 2015.