Concello de Verín

O vindeiro xoves 15 de xaneiro, de 18 a 19.30 horas, a Biblioteca Pública Municipal de Verín programa a iniciativa 'Contos da Neve', no marco da programación de actividades destinadas ao fomento da lectura e dinamización da instalación municipal.

Desde o departamento de Desenvolvemento Local do Concello de Verín infórmase da publicación das ordes de axudas á apicultura e para programas de calidade desenvolvidos por consellos reguladores de denominacións de calidade agroalimentarias, ademais da convocatoria anticipada de subvencións a proxectos de aforro e eficiencia enerxética nas empresas dos sectores de industria e servizos.

Fotografías das actividades do programa de Nadal 2014 - Reis 2015, organizado polo Concello de Verín e a Asociación de Empresarios de Verín-Centro Comercial Urbano Verín.

As imaxes correspóndese as seguintes actividades: 'Superhéroes', Concerto de Nadal,Concerto para os nosos maiores, Gala IV Aniversario Candaira, Chegada do Carteiro Real, Espectáculo Musical Show 'Non temos medo', 'Sueños de azúcar. Pinocho se despierta', Cotillón Infantil de Noitevella, 'Iopu Iei', Musical 'Show de los Muñecos', 'A cantar con María Fumaça', Cabalgata e Gala de Reis e XXI Concerto de Reis. Todas no noso Facebook.

Para cumprir co proceso de liberación do Dividendo Dixital, a Xunta de Galicia está poñendo en marcha unha serie de actuacións que axuden aos concellos a realizar os cambios necesarios nos centros de extensión de cobertura do sinal de TDT. Informámoslle de que ditas actuacións realizaranse o próximo mércores 14 de xaneiro no centro de extensión de cobertura de TDT de Feces. Lembrámoslle que o proceso consiste no apagado neste centro das frecuencias de emisión actuais e acendido nas novas frecuencias asignadas. Deste xeito, os beneficiados poderán disfrutar das canles da TDT, que se distribuirán da seguinte forma:

O prazo de inscrición dos concursos europeos e local GA.M.E.S@E.U, destinados a elaborar un pequeno traballo de investigación para a promoción e salvagarda dos deportes e xogos tradicionais, amplíase ata o día 31 de xaneiro. Os premios para os/as vencedores/as nas diversas categorías son monetarios.