Concello de Verín

Na tarde de onte tivo lugar a entrega de diplomas acreditativos do curso de monitor de fútbol base, celebrado nos últimos meses en Verín, e que contou coa participación de 25 alumnos dos municipios de Verín e Xinzo de Limia.

O conxunto alevín masculino do EDC Verín consigue o primeiro posto por clubes na competición por equipos do Campionato de Galicia de Cross Corto de Clubes, Campionato de Galicia Cadete e xuvenil de campo a través individual e por equipos e o Memorial Alejandro Lorenzo, disputado este pasado domingo na localidade lucense de Friol.

Desde o departamento de Desenvolvemento Local do Concello de Verín infórmase da publicación da orde do 20 de xaneiro de 2015, da Consellería de Economía e Industria, pola que se establecen as bases reguladoras para a concesión, en réxime de concorrencia non competitiva, de subvencións para fomentar a remuda comercial e se procede á súa convocatoria para o ano 2015 (código de procedemento IN216A). Toda a información no seguinte enlace.

O fotógrafo José Luis Montes inaugura a exposición 'Unha mirada sen fronteiras' o sábado día 31 na Sala de Exposicións de Verín. A mostra permanecerá até o día 20 de febreiro e poderase visitar de luns a sábado das 10 ás 14 e das 17 ás 20:30 horas.

Desde o departamento de Desenvolvemento Local do Concello de Verín infórmase da publicación de axudas económicas dirixidas a empresas que realicen publicacións periódicas escritas integramente en galego, Plan de inspección comercial da Xunta de Galicia para o ano 2015, subvencións para o financiamento das bolsas ás persoas novas que realizan prácticas non laborais en empresas, axudas e subvencións para o fomento do emprego a través dos programas mixtos de emprego e formación.