Concello de Verín

A casa consistorial de Verín acolleu a presentación da V Mini Trail-Andaina 'Pozo do Demo', que terá lugar o domingo 19 de abril, e que está organizada polo Concello de Verín e a Asociación de Sendeirismo Ruta das Augas.

O vindeiro luns 13 de abril, a caravana de 'Os Bolechas' estará na praza García Barbón de Verín dentro da proposta de dinamización para o público infantil Os Bolechas van a Ourense, que percorre ao longo dos próximos días nove municipios da provincia de Ourense, entre os que se atopa a vila de Verín.

Desde o departamento de Desenvolvemento Local do Concello de Verín infórmase da publicación da resolución do 21 de marzo de 2015, de ICEX España Exportación e Investimentos, pola que se convoca para 2015 a concesión de axudas a través do Programa ICEX-NEXT de apoio á internacionalización da PEME española non exportadora ou exportadora non consolidada. Preinscrición anta o 31-12-2015. Máis información no seguinte enlace.

Dende o Concello de Verín promóvese a realización das cuartas xornadas de fotografía, na especialidade de iniciación, durante o fin de semana do 11 e 12 de abril.

Dende o departamento de Desenvolvemento Local do Concello de Verín infórmase da publicación da resolución do 11 de marzo de 2015, da Oficina Española de Patentes e Marcas, pola que se convocan para o ano 2015, subvencións para o fomento de solicitudes de patentes e modelos de utilidade, españois e no exterior. Toda a información no seguinte enlace.