Concello de Verín

A Casa da Cultura acollerá na primeira quincena de maio na programación de primavera en Verín de Cinemas de Galicia un pequeno ciclo de cine infantil que comezará o domingo día 3 de maio coa proxección de O pequeno mago ás cinco da tarde.

Co obxecto de que todos os/as verinenses poidan coñecer en que mesa electoral poden exercer o seu dereito ao voto, o Concello de Verín colocou na súa páxina web (www.verin.es) a aplicación En que mesa voto?

Sete técnicas e técnicos das deputacións e concellos socios do Fondo Galego de Cooperación e Solidariedade pasarán un mes colaborando cos parceiros da entidade en Cabo Verde, Nicaragua e Honduras. Ata o 12 de maio permanece aberto o prazo para presentar candidaturas ao programa de voluntariado internacional Vacacións con Traballo, que chega ao seu décimo aniversario triplicando o número de prazas dispoñibles.

Desde o departamento de Desenvolvemento Local do Concello de Verín infórmase da convocatoria de subvencións aos contratos de formación a mozos e mozas menores de 30 anos. Toda a información no seguinte enlace.

O mércores 29 de abril, e coincidindo coa celebración do Día da Inmunoloxía, terá lugar na Casa da Cultura de Verín un relatorio sobre a inmunoloxía, organizado polo Biblioteca Pública do Concello de Verín.