Concello de Verín

Un total de 21 alumnos e alumnas están a participar en Verín en cursos de formación dual nas ramas sociosanitaria e forestal. A directora xeral de Emprego e Formación, Ana María Díaz López, e o delegado territorial da Xunta en Ourense, Rogelio Martínez, visitaron hoxe aos participantes desta iniciativa acompañados polos rexedores de Verín, Oímbra e Vilardevós.

Desde o departamento de Desenvolvemento Local do Concello de Verín infórmase da publicación da resolución do 27 de abril de 2015, do Instituto Galego de Promoción Económica, pola que se dá publicidade á resolución de concesión das axudas para novos emprendedores, cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013. Toda a información nos seguintes enlaces: http://www.xunta.es/dog/Publicados/2015/20150507/AnuncioO92-280415-0003_gl.html // http://www.igape.es/gl/oficina-virtual/resolucions-definitivas

O alcalde de Verín, Juan Manuel Jiménez Morán, e a conselleira de Medio Ambiente, Territorio e Infraestruturas, Ethel Vázquez, asinaron esta mañá o convenio de colaboración entre a Consellería de Medio Ambiente, Territorio e Infraestruturas e o Concello de Verín para o financiamento da redacción do Plan especial de protección e reforma interior do núcleo Histórico e do Barrio de San Lázaro (PEPRICH).

Tras ser galardoado no VII Certame de Boas Prácticas, Dereitos da Infancia e Política Municipal (na categoría de 'Dereito a un entorno familiar adecuado') de UNICEF, grazas o programa 'Kero-Kolo' da Escola de Familia, o Concello de Verín acaba de solicitar a adhesión ao Pacto de Estado pola Infancia.

O Concello de Ribadavia e o Club Deportivo Aurum organizaron unha nova edición da Carreira Popular de Ribadavia-Feira do Viño, na que deportistas do EDC Verín Atletismo acadaron os primeiros postos das diferentes categorías nas que participaron, como no caso de Gisela Dapía, María Vega, Andrés García, Nadia Gago e Noel Vázquez que conseguiron a vitoria nas súas respectivas probas.