Concello de Verín

O Concello de Verín, co obxecto de solucionar a existencia de vertedoiros incontrolados que se encontran no municipio, realizará actuacións específicas para a súa eliminación asentadas na retirada dos mesmos, adecuación das zonas nos que se atopaban ou sinalización da prohibición de verter residuos en devanditos espazos.

A Dirección de Traballo e Economía social da Consellería de Traballo e Benestar, a través da Rede Eusumo na que está incluida o departamento de Desenvolvemento Local do Concello de Verín, programa cofinanciado polo Fondo Social Europeo, continúa apostando pola fórmula cooperativa como modelo empresarial máis axeitado para emprender nos momentos actuais.

Na Gala Músico-Literaria das Letras Galegas, celebrada na Casa da Cultura de Verín, Juan Manuel Jiménez Morán, alcalde do Concello de Verín, institución promotora dos premios; Benita Fernández Pérez, sobriña do literato difunto Antonio Fernández Pérez; Xosé Carlos Caneiro e os membros do xurado cualificador: María Teresa Santamaría Hervella, Montserrat Núñez Luis, María del Pilar López López e Serafín Vázquez Álvarez entregaron os premios do Certame de relato curto Antonio Fernández Pérez e do Certame de poesía Xosé Carlos Caneiro Pérez.

Ás 17 horas do domingo, a Casa da Cultura de Verín acollerá a Gala Músico-Literaria das Letras Galegas, acto que organiza o Concello de Verín anualmente o 17 de maio coa colaboración de Supermercados Gadis. Na gala recitaranse os poemas gañadores do Certame de Poesía Xosé Carlos Caneiro Pérez e leranse os traballos que gañaron o Certame de Relato Curto Antonio Fernández Pérez. O Conxunto Instrumental do Conservatorio Elemental de Música de Verín interpretará  músicas de autores galegos.

Desde mañá 16 de maio e até o 13 de xuño, a Sala de Exposicións de Verín acollerá a mostra 'Entre a Auga e a Pedra', unha exposición colectiva sobre o patrimonio ourensán, natural e construído, conformada por 21 imaxes panorámicas en branco e negro -tamén en color- realizadas por 11 fotógrafos de la Agrupación Fotográfica Fotosíntese.