Concello de Verín

O vindeiro 21 de Abril ás 19:30h, a socióloga Raquel Pérez García presenta a súa obra “La irresistible Silvia” na Biblioteca Municipal do Concello de Verín.

Mañá xoves 20 de Abril ás 18:00h, a Biblioteca Pública Municipal do Concello de Verín realizará a actividade: “portalapices”, no marco da programación de actividades destinadas ao fomento da lectura e dinamización da instalación municipal.

Esta mañá, unha vintena de nenos e nenas participaron no Concurso de Gateo celebrado no Pavillón dos Deportes de Verín -organizado desde Escola de Familia do Concello de Verín, en colaboración con Unicef e a campaña "gotas para Níxer"- onde os/as menores gatearon para que en Níxer tódolos nenos e nenas poidan ter auga potable. O rematar o concurso, que tivo dúas categorías: 0 a 18 meses e 18 meses 36 meses, todos/as os/as cativos/as recibiron una medalla de chocolate pola súa participación.

A Oficina Municipal de Información Xuvenil do Concello de Verín abre o prazo de tramitación das solicitudes de inscrición dos/as mozos/as, de entre nove e dezasete anos, interesados/as en participar na campaña de Verán 2017, que promove nos meses de xullo e agosto (durante dez ou quince días) a Dirección Xeral de Xuventude e Voluntariado.

O Concello de Verín reimplantou hoxe a ORA en tres céntricas rúas de Verín, a petición dos comerciantes, para estimular a rotación do aparcamento nas zonas de servizos. Non haberá concesión, e será a propia Policía Local a que vixie o cumprimento dos horarios.