Concello de Verín

En total, corenta e dous alumnos e alumnas de seis colexios e institutos da comarca de Verín son finalistas no Certame de Poesía Xosé Carlos Caneiro Pérez e no Certame de Relato Curto Antonio Fernández Pérez, iniciativas que promove o Concello de Verín con motivo do Día das Letras Galegas. Os certames contan, un ano máis, coa colaboración de Gadis. Tamén no marco do día das Letras Galegas terá lugar na Biblioteca Municipal, os días 16 e 26 de maio, un ciclo de conferencias dedicado a Carlos Casares.

O vindeiro 11 de maio, a partir das 19:30 horas, a Biblioteca de Verín acolle a presentación da obra “Amanecer”, da escritora verinesa Doli Pereira.

A partir hoxe martes 9 de maio, e ata o 30 de xuño, o Concello de Verín, a través da concellería de Mocidade, amplía o horario da Biblioteca Pública Municipal de Verín  con motivo do período de exames.

A Biblioteca Pública Municipal do Concello de Verín, será a depositaria dos fondos bibliográficos de D. Manuel Taboada Cid, fillo de Taboada Chivite, tal e coma decidiu a súa viúva Dona Marinieves de Paula, converténdose así, xunto có Museo do Pobo Galego, nun dos principais centros de consulta para investigadores sobre a familia Taboada.

Durante os días 12, 13 e 14 de maio , o cinema municipal de Verín acolle a proxección da película Alien Covenant no Salón de Actos da Casa da Cultura nos seguintes pases: