Concello de Verín

O Concello de Verín súmase á iniciativa da organización ecoloxista “ADEGA- Monterrei. Salvemos o Támega” e apoiará a marcha reivindicativa en defensa do río Támega que se celebrará mañá, 9 de agosto, ás 19.30 horas, en Cerdedelo (Laza).

O percorrido chegará ata as balsas de residuos das obras do AVE, 400 metros nos que se protestará polos danos ambientais desta obra e os seus efectos para o noso río.

O Concello de Verín e a Fundación Váquez-Gulías, que recolle e analiza o legado do arquitecto ourensán, colaborarán na difusión e análise da obra deste xenial creador na vila do Támega, que aparece moito máis prolífica do que se pensaba nun principio. Alomenos sete edificios e obra funeraria foron obra de Gulías na capital de Monterrei, fronte ós tres que se recoñecían tradicionalmente.

O Concello de Verín acaba de inaugurar un novo punto específico de captación de auga para emerxencias no  polígono de Pazos. Con este novo  hidrante, o ente municipal diminuirá os tempos de carga dos vehículos de emerxencias e evitará, en gran medida, o uso de auga potable na loita contra os incendios forestais e outro tipo de emerxencias.

Do 10 ao 12 de agosto, Verín acollerá unha nova edición da Feira do Viño da Denominación de Orixe Monterrei.

Nesta ocasión participarán un total de 16 das 26 adegas que conforman a denominación, unha máis que na pasada edición. “Esta cifra consolida o apoio do sector vitivinícola a esta iniciativa”, destaca a presidenta do Consello Regulador da D.O. Monterrei, Lara Da Silva Rodríguez.

Hoxe, 1 de agosto, celebrouse na Casa do Concello de Verín a presentación oficial do Torneo  de Fútbol 3x3 AEVER – Concello de Verín 2018. Esta actividade celebrarase os vindeiros días 7, 8 e 9 de agosto na Praza García Barbón.