Concello de Verín

O Fic Vía XIV de Verín xa ten datas para a celebración da súa IX edición, unha convocatoria que chegará “cargada de novidades que se irán anunciando paseniñamente”, tal e como salienta o seu director, Carlos Montero. En concreto, o festival vaise desenvolver entre o 29 de agosto e o 8 de setembro coa idea de que a súa programación paralela “abranga dúas fins de semana e impactar así no maior número de persoas posible”, engade Montero.

Esta mañá, o concelleiro da área de Transporte, Feiras e Xuventude,  Manuel Lorenzo, e a concelleira de Festexos, Cultura, Turismo e Conservatorio, Samanta Barreira, realizaron un balance «máis que positivo» dos resultados da Feira do Lázaro de Verín, celebrada entre os días 16 e 17 de marzo no Pavillón Municipal de Deportes. Baseándonos no cuestionario realizado polo Concello de Verín aos expositores participantes, o resultado é que os stands enquisados dan un sobresaínte á organización xeral do evento e aproban as vendas acadadas.

Esta mañá tivo lugar na casa consistorial de Verín un pleno extraordinario no que se aprobou definitivamente a remunicipalización do Servizo Municipal de Augas e Saneamento, co obxectivo de realizar una xestión directa «máis sostible e eficiente».

A área de Feiras do Concello de Verín vén de anunciar a primeira edición do concurso gastronómico "Pincha no Lázaro". Do 14 ao 16 de marzo, tanto veciños como visitantes terán a oportunidade de converterse en críticos gastronómicos e elixir o seu pincho favorito. Ademais, os participantes optarán a un bono de 100€ para desfrutar en calquera dos establecementos de hostalería que participen no concurso.

O Concello de Verín vén de presentar o programa oficial de actividades para o Lázaro 2024, que terá lugar os días 16 e 17 de marzo. Este ano, o ente municipal cebebra a súa tradicional festa patronal ofrecendo un amplo abano de propostas enfocadas a todos os públicos.  A programación oficial foi presentado esta mañá por Manuel Lorenzo, concelleiro de Transporte, Feiras e Hostalería e Samanta Barreira, cencelleira de Turismo, Cultura, Festexo e Conservatorio de Concello de Verín.