Concello de Verín

O Auditorio de Verín acolle o próximo sábado 29 de xuño, ás 20:00 horas, a gala solidaria “O noso Entroido”. Neste evento, co que colabora o Concello de Verín, conta coa participación de Frai Chitín, o xa mítico personaxe entroideiro verinés interpretado por Miguel Ángel Prieto; quen regresa para apoiar unha causa moi especial: axudar á ONG de Nepal, Hugging Nepal.

A Asociación de Empresarios de Verín (AEVER) vén de anunciar una nova edición  da súa campaña comercial "Eu Merco en Verín". Esta iniciativa, que conta coa colaboración do Concello de Verín, ten como obxectivo dinamizar as rúas e promover as vendas nos establecementos asociados.

O Concello de Verín impartirá un curso oficial,  gratuíto para  desempregados, de socorrismo en instalacións acuáticas. O mesmo terá lugar entre o 1 xullo e 30 de setembro, en horario de 9:00 a 15:00 horas.

A Eurocidade Chaves-Verín, AECT, acolle a presentación, o próximo 27 de xuño, do proxecto Transfiresaúde cuxo obxectivo principal é reforzar, na Euro Rexión Galicia- Norte de Portugal, o ecosistema de investigación e innovación en saúde.

Os días 15 e 16 de xuño terá lugar, no complexo deportivo de  A Granxa e no Estadio José Arjiz, a realización do Torneo Internacional de Fútbol 8 'Vila de Verín', no que participarán corenta e un equipos  procedentes de Galicia e o norte de Portugal.