Concello de Verín

O Concello de Verín manterá aberto, até o día 30 de outubro incluído, o prazo para a admisión de solicitudes de participación nas actividades do Obradoiro do Cigarrón  2018 – 2019. Pechado o devandito prazo, ordenaranse as solicitudes aplicándolle dous criterios de preferencia, que priorizarán  as solicitudes formativas que se teñan realizado para participar en todas as actividades, fronte ás solicitudes de formación parcial, e, de seguido, a orde de entrada da solicitude.

O venres 19 de outubro, ás 18:00h, a Biblioteca Pública do Concello de Verín celebrará, de maneira anticipada,  o “Día da Biblioteca”. Consistirá na realización de contacontos e unha manualidades con materiais reciclados. A actividade será coordinada por nenos/as voluntarios/as, de entre 9 e 17 anos, o persoal da Biblioteca Pública Municipal de Verín.

Do 16 de outubro ao 14 de novembro, a Sala de Exposicións de Verín acollerá as  mostras fotográficas “EXPOpotiños 2017”, da Asociación Fotográfica O Potiños, e “María”, de Manolo Celta & Pat Celta. 

Durante os días 19, 20 e 21  de outubro, o cinema municipal de Verín acolle a proxección da película “Todos lo saben” no Salón de Actos da Casa da Cultura nos seguintes pases:

Un total de 1.261 curtas procedentes de 55 países dos cinco continentes optan a participar na III edición do FIC Vía XIV, que se celebrará en Verín entre o 1 e o 9 decembro. O prazo de presentación dos traballos expirou o pasado xoves, día 11, e nos próximos días o equipo organizador do Festival encargarase de seleccionar aquelas curtas que mellor encaixen nas catro categorías do certame: Outra Mirada, Horizontes, A Raia e Nova.