Concello de Verín

Un ano máis,  a Biblioteca do Concello de Verín rende tributo á figura de D. Xesús Taboada Chivite, nas datas na que se conmemora o seu pasamento. 

Deste xeito, a Biblioteca Municipal terá aberta ao público, do 29 de novembro ao 31 de decembro, una  pequena mostra da correspondencia entre o Chivite e outros ilustres coetáneos, que darán fe da estreita relación do noso etnógrafo e escritor con outros insignes galeguistas, historiadores e escritores da época. Dentro do mesmo ciclo D. Paco López-Barxas presentará a súa nova obra Ben-Cho-Shey inédito, onde fará unha especial mención a D. Xesús Taboada Chivite. Ambos actos serán presentados, a través dun documento videográfico recuperado pola Biblioteca, por D. Antonio Fraguas (1905 – 1999), que é o homenaxeado nas Letras Galegas 2019.

A derradeira fin de semana de novembro Verín acollerá unha fin de semana adicada ó coñecemento, identificación e exposición dos fungos. Dende o venres ás seis da tarde, e ata as oito da tarde do domingo, o Museo do Claustro Mercedario acollerá as xornadas “Rocos, tortullos e cacabinas, I xornadas micolóxicas con acento de Verín”, que incluirá clases, saídas de campo e unha exposición que se poderá visitar o domingo no claustro. A inscrición -no Claustro- é gratuíta.

O alcalde de Verín, Gerardo Seoane,  e o propietario de Augas de Fontenova  S.A, José de Sousa  Sintra,  asinaron esta mañá un convenio de colaboración polo que  a empresa cede ao Concello de Verín, de forma gratuíta e por un prazo de vinte anos, o uso e aproveitamento da buvette de Fontenova así como dos terreos da súa propiedade que formarán parte do novo “pulmón verde” do centro urbano da vila

A Mancomunidade de Municipios da Comarca de Verín, presidida polo alcalde de Monterrei, Xosé Luis Suárez, apoiará o FIC Vía XIV cunha achega de 2.400 euros que servirá para financiar unha das actividades paralelas da programación dirixida aos cativos e cativas da zona. A actividade, denominada Cinema de historias, pretende espertar nos máis pequenos o amor polo cine e descubrirlles o poder que teñen as imaxes para transmitir historias.