Concello de Verín

A área de Educación do Concello de Verín retoma o programa infantil Kero Kolo, que se desenvolverá todos os martes e xoves, de 11:00 a 12:30 horas, na aula de psicomotricidade do Pavillón Municipal de Deportes. Esta iniciativa busca converterse nun espazo de encontro entre familias e menores (de cero a tres anos de idade) onde, acompañados pola persoa directora das sesións, crearase un espazo relacional,  asentando así as bases para unha sólida educación e convivencia con outros iguais.

Os días 18 e 19 deste mes, a  UNED impartirá en Verín o curso  "Destilados e licores", que se vai a desenvolver nas instalacións do Museo  do Viño dous  Mercedarios. Consta de seis horas lectivas e a docente é Sandra Cortés  Dieguez, doutora en Química pola Universidade de Vigo, licenciada en Química Analítica pola Universidade de Santiago de Compostela; máster en Viticultura, Enoloxía e Márketing do Viño,  formadora do panel de cata Bagazo de Galicia e investigadora no Departamento de Enxeñería Química da Universidade de Vigo desde o ano 2010.

O venres 11 de xaneiro, ás 19:30 horas, a Biblioteca Pública do Concello de Verín, acolle a presentación do último libro de Carmen Adán, “Feminicidio: Unha nova orde patriarcal en tempos de submisión”, da editorial Galaxia. 

Durante os días 11, 12 e 13  de xaneiro, o cinema municipal de Verín acolle a proxección das películas “Sobre Ruedas”, e “Stubby, un heroe muy especial” no Salón de Actos da Casa da Cultura nos seguintes pases:

Onte tivo lugar no Auditorio Municipal de Verín a Gala Solidaria de Nadal a favor das vítimas de Violencia de Xénero que, con máis dun centenar de asistentes, logrou recadar un total de 680 euros, importe que será destinado integramente  ás mulleres con necesidades  especiais por  calquera circunstancia derivada da violencia  na comarca de Monterrei.