Concello de Verín

Desde o pasado día 1 de febreiro, 332 alumnos e alumnas de Educación Secundaria Obrigatoria de catro institutos e colexios verinenses participaron, en visitas programadas polas súas aulas, nas exposicións Obxectivos do Desenvolvemento Sostible e 15 Visións: unha perspectiva de diferentes realidades desde o punto de vista da arte. Os 15 grupos, que participaron en horario escolar en actividades que se desenvolveron na Casa da Cultura e na Sala de Exposicións de Verín, pertencían ao IES Castro de Baronceli (1º a 4º de ESO), IES Xesús Taboada Chivite (1º de ESO), Colexio Apostólico Mercedario (alumnado de 1º a 4º de ESO) e Colexio María Inmaculada (1º, 2º e 3º de ESO).

O actor verinés Santiago Cañaveral, en colaboración coa área de Cultura do Concello de Verín, impartirá un curso de teatro na vila dende o mes de marzo ata xuño do presente ano. A actividade terá unha periocidade semanal, cunha división en dous grupos, mozos e adultos. Os eixos principais serán a expresión corporal e a interpretación, con orientación ao superamento de bloqueos emocionais.

A Sala de Exposicións de Verín acolle, do 15 de febreiro ao 8 de marzo, a mostra monográfica “Entroido é todo”, na que a artista Aurora López presenta máis dunha vintena de obras en distintos soportes (tea, lenzo, papel…) e realizadas con técnicas moi diversas.

Ao longo do ano 2018, a Oficina Municipal de Información ao Consumidor de Verín pecha o ano 2018 cun total de 707 atencións (consultas, mediacións e reclamacións) realizadas. Ao igual co ano pasado, o sector con máis demandas segue sendo o das telecomunicacións (telefonía e internet) con 172 reclamacións, 45 mediacións (solucionadas vía teléfono) e 61 consultas.

Durante os días 8, 9 e 10  de febreiro, o cinema municipal de Verín acolle a proxección das películas “Asterix; el secreto de la poción mágica”, e “La favorita” no Salón de Actos da Casa da Cultura nos seguintes pases: