Concello de Verín

Nun emocionante encontro que tivo lugar onte pola tarde, unha parte representativa do equipo de Goberno do Concello de Verín, encabezada polo alcalde Gerardo Seoane Fidalgo e o seu tenente de alcalde e concelleiro de Deportes, Diego Lourenzo Moura, deron a benvida oficial na Casa Consistorial aos xogadores, corpo técnico e directiva do Verín C.F. tras o seu exitoso ascenso a Preferente Sur de Galicia e proclamación como campións de liga, acadado o pasado domingo en Melias.

O Concello de Verín, a través das áreas de Hostalería e Feiras, vén de anunciar a convocatoria dunha reunión informativa dirixida ao tecido hostaleiro da nosa vila. A reunión terá lugar o próximo día 15 de maio, ás 18:00 horas, no Salón de Actos da Casa da Cultura.

O Concello de Verín vén de presentar a programación oficial da “Semana das Letras Galegas”, que se celebrará do 10 ao 19 de maio. A concelleira de Cultura, Turismo, Festexos e Conservatorio, Samanta Barreira, anunciou unha serie de eventos e actividades pensados para todas as idades e especialmente deseñados para promover e celebrar a lingua e literatura galegas.

Mañá martes 30 de Abril, e como complemento ao espectáculo de “Neura”, terá lugar no Auditorio Municipal a exposición "Os ollos da mente". A mostra consta dunha serie de máis de oito pezas escultóricas da artista ourensá afincada en Suíza, MJ Domínguez, que teñen como fío condutor a saúde mental.

O mércores 1 de maio, como vén sendo habitual desde os anos oitenta, a praza da Alameda de Verín acollerá a tradicional Festa dos Maio, cun total de 10 esculturas efémeras. Este ano, a Praza García Barbón acollerá tamén unha nova edición da Feira Solidaria que contará coa participación de entidades sen ánimo de lucro, que ofrecerán todo tipo de produtos e/ou servizos con fins solidarios.