Concello de Verín

Esta mañá, o alcalde de Verín, Gerardo Seoane, e a concelleira de Turismo, Cultura, Festexos e Conservatorio, Samanta Barreira, presentaron no Salón de Actos da Casa da Cultura a programación oficial do Entroido 2024, un total oito días repletos de festa e diversión con máis de 150 horas de música en directo e unha programación concibida para o desfrute de todos os públicos.

O CRA Monterrei deseña o cartel oficial que representará o vindeiro 'Desfile Infantil' do Entroido 2024, que percorre durante a mañá do Xoves de Comadres as rúas e prazas de Verín.

O Concello de Verín e a DO Monterrei son as dúas caras máis visibles da comarca. Acoden xuntas a feiras e eventos internacionais, e conforman conxuntamente a maior proxección da  imaxe deste territorio. Por este motivo veñen de acordar sumar esforzos para a promoción dos viños e do termalismo, cultura e natureza de Verín.

Os días 26, 27 e 28 de xaneiro, o Cinema Municipal de Verín acolle as proxeccións das películas "Migración, un viaje patas arriba" e “Aquaman: el reino perdido” no Salón de Actos da Casa da Cultura nos seguintes pases:

O Concello de Verín convida a todos os amantes do deporte a que se acerquen ao Pavillón Municipal de Verín o vindeiro venres, 26 de xaneiro, para presenciar un partido amigable entre dous club históricos de primeiro nivel dentro do balonmán peninsular. O encontro dará comezo ás 19.00 horas e terá como protagonistas ao Abanca Ademar de León, da Liga Asobal española, e ao FC Porto, participante da Liga Andebol 1 de Portugal.