O vindeiro 11 de decembro, a partir das 10 horas, a Biblioteca Pública Municipal do Concello de Verín emitirá por videoconferencia a actividade ‘Obradoiro de Adornos de Nadal’, realizada dende o Concello de Abegondo.
Os departamentos de Educación Familiar e Servizos Sociais do Concello de Verín invitan aos centros de ensino de infantil e primaria a participar na confección de postais solidarias de Nadal, que se enviarán ás persoas maiores que viven soas en Verín.
A Consellería de Medio Ambiente, Territorio e Infraestruturas, en colaboración co Concello de Verín, pon en marcha unha nova liña do NoiteBús entre as localidades de Feces de Abaixo e Verín. Esta ruta efectuará paradas nas localidades de Feces de Abaixo, Tamaguelos, Tamagos, Queizás e Verín, e os horarios de saída son ás 22 e 24 horas (desde Feces de Abaixo) e os de retorno ás 23 e 6.30 horas (desde Verín).
Exposición fotográfica ‘Terra + Auga + Aire = Vida’
Luns, 30 Novembro 2009 10:26
Desde o 1 ao 12 de decembro a Casa do Escudo de Verín acollerá a exposición itinerante de fotografía ‘Terra + Auga + Aire = Vida. Noso compromiso coa natureza’.
O Concello de Verín e AEVER asinan o convenio ‘Ludonadal’ para incentivar o comercio tradicional durante o Nadal
Venres, 27 Novembro 2009 13:23
O alcalde do Concello de Verín, Juan Manuel Jiménez Morán, e o presidente da Asociación de Empresarios de Verín (AEVER), José Ángel Rodicio Portela, asinaron por segundo consecutivo o convenio de colaboración ‘Ludonadal’.
