Concello de Verín

O Concello de Verín promove a realización dun curso de portugués técnico, dirixido a 20 mozos/as con idades comprendidas entre os 18 e 30 anos, e enmarcado dentro do proxecto Espazo Xuvenil, dirixido pola Dirección Xeral de Xuventude e Voluntariado da Consellería de Traballo e Benestar da Xunta de Galicia e o Instituto Português de Juventude, e aprobado no marco do Programa de Cooperación Transfronteiriza Galicia-Norte de Portugal 2007-2013 (POCTEP).

Desde o 16 de decembro ao 15 de xaneiro, a Casa do Escudo de Verín acolle a exposición ‘Beléns do Mundo e Filatelia Natalicia’, organizada polo Concello de Verín en colaboración coa Delegación Diocesana de Misións de Ourense e Sociedade Filatélica Miño (Ourense).

O 23 de decembro conclúe o prazo de inscrición nas ligas de fútbol-sala, organizadas pola Concellería de Deportes de Verín.