Concello de Verín

O vindeiro venres 28 de xaneiro, de 18 a 19.30 horas, a Biblioteca Pública Municipal de Verín organiza a iniciativa ‘Anacos de Papel’, enmarcada dentro da programación de actividades destinadas ao fomento da lectura e dinamización desta instalación verinense.

Até o día 24 de febreiro, o Concello de Verín abre un período de inscrición para os cursos que forman para se presentar ás probas dos CELGA (certificados de lingua galega). A convocatoria para o 2011 é única: non se convocarán máis cursos até o 2012.

O Fondo Galego de Cooperación e Solidariedade vén de por en marcha unha campaña de incidencia política para lograr que se manteña o compromiso cos países empobrecidos. Trátase, perante os próximos comicios municipais, de que as forzas políticas teñan presente que a sociedade galega si lles demanda que manteñan o pulso da solidariedade coas persoas e países que viven en crise estrutural e, pola mesma, permanente. Estase a falar dun esforzo ínfimo que debera ser aumentado.