A Biblioteca de Verín recibe, un ano máis, o premio María Moliner de fomento á lectura
Mércores, 12 Xullo 2023 11:47
A Biblioteca Municipal de Verín vén de recibir o premio María Moliner de proxectos de animación á lectura en concellos de menos de 50.000 habitantes, correspondente ao ano 2023, pola súa iniciativa “Voluntariado cultural con rapaces/as s para o fomento da lectura”. Deste xeito, a Biblioteca verinesa recibirá 2.772,22 euros financiados polo Ministerio de Cultura e Deporte, que serán destinados a compra de libros e/ou publicacións periódicas.
O tecido empresarial e comercial de Verín volve implicarse activamente no desenvolvemento do FIC Vía XIV
Sábado, 08 Xullo 2023 09:33
A Asociación de Comerciantes e Empresarios de Verín, Aever, apoiará de novo o desenvolvemento do FIC Vía XIV propoñendo, como en anos anteriores, a posta en marcha dun concurso que inste aos seus establecementos da vila a decorar os seus escaparates con motivos relacionados coa sétima arte.
A Eurocidade Chaves-Verín abre o prazo de inscrición para participar en actividades en Romaña e Malta
Mércores, 05 Xullo 2023 16:08
A Eurocidade Chaves-Verín, AECT, no marco do proxecto Rural Youth of Europe (Xuventude Rural de Europa) - RUYOU, convida a xóvenes de entre 18 e 30 anos do territorio a participar en setembro e outubro nas próximas International Creative Jams; actividades presenciais que terán lugar en Romaña e Malta.
Verín acolle unha mesa de traballo sobre Turismo e Termalismo
Mércores, 05 Xullo 2023 12:30
Esta mañá tivo lugar na Sala de Exposicións do Concello de Verín unha mesa de traballo cuxo obxectivo foi analizar as necesidades e oportunidades de negocio vinculadas a este sector de turismo e termalismo nos concellos de Verín e Monterrei. Esta iniciativa está promovida no marco do Plan de sustentabilidade TCA “Ourense Termal” da Deputación Provincial de Ourense.
O C.R.D.O. Monterrei e o Concello de Verín asinan un convenio de colaboración para a XVI Feira do Viño Monterrei
Martes, 04 Xullo 2023 12:15
O presidente do C.R.D.O. Monterrei, Jonatás Gago, e o alcalde de Verín, Gerardo Seoane, asinaron un convenio de colaboración entre as dúas entidades destinado á organización da próxima edición da Feira do Viño Monterrei, que se celebrará do 11 ao 13 de agosto.
