Concello de Verín

O día 3 de marzo, Xoves de Comadres, os máis distinguidos personaxes e autoridades do panorama nacional acercaranse a pregoar a cita festiva máis importante de Verín, farano en voz de Xacobe Pérez e Moisés Morales, membros do programa radiofónico e agora televisivo “Corre Carmela que Chove” de V Televisión.

Como adianto do pregón que os actores radiofónicos presentarán en Verín, adiántannos que personaxes do calado talles como Pepe Bono, Presidente do Congreso dos Deputados, o famoso presentador José Luís Quintero ‘El loco de la Colina’, a namorada Cayetana de Alba e ata o rei Don Juan Carlos, non se perderán o arranque do Entroido en Verín o próximo Xoves de Comadres.

Do pregón destacar que versará sobre o amor e o a “voz cantante” levaraa a namorada e prometida duquesa de Alba, que declamará os últimos poemas que lle escribiu o seu prometido Alfonso Díez. Igualmente, Pepe Bono falará dos seus amores e método de reposición capilar e haberá sorpresa desde o Palacio Real.

Como colofón do pregón, actuará outro dos que fose membro do equipo radiofónico de “Corre Carmela que Chove”, o cantante multidisciplinar e semifinalista do programa ¡Ti se que vales! de Telecinco, José Parga Eiroa ‘O Parga’, que interpretará dous dos seus temas de maior tirada ‘O baile do Tío Pío’ e ‘O canto do Jallo’.